Қоғамның қай қатпарында болмасын, қыз-келіншектің басындағы жаулық қызу талқыланған тақырып қатарынан орын алды. Одан қалса, хиджабқа қатысты киім көтерілісі әупіріммен басылғаны әнебірде сияқты еді... Кеше Астанадағы Президенттік мәдениет орталығында «Мұсылман киімі – ұлттық айшықта» деген атпен мұсылман киімінің алғашқы байқауы болып өтті. Республикалық деңгейдегі байқауды ұйымдастыруға мұрындық болған «Салнұр» журналы екенін естіп-білдік.
«Salnur» - әйелдерге арналған журналының ұйымдастыруымен Қазақстанның ИКҰ-на төрағалық етуінің қарсаңында 2011 жылдың 27 маусымында Астана қаласының Президент мәдениет орталығында «Мұсылман киімі – ұлттық айшықта» атты республикалық ұлттық айшықтағы мұсылман киімі байқауы болып өтті.
Соңғы уақытта еліміздегі мұсылмандық шартын ұстанатын қыз-келіншектердің шариғат талабына сай киінуі талқыға көп түсетін өзекті тақырыптардың біріне айналып отыр. Ал ата-бабаларымыз төл мәдениетімізді әдет-ғұрпымызға, ұлттық салт-санамыз бен діни ерекшелігімізге сай етіп сан түрлі әсем де келісті төл киім үлгілерімізді жасай білген. Алайда, заман я талғам өзгерді ме, әлде тұрмыстың талабы ма, бұл санаттағы киімдер тек сахнада немесе мерекелік күндерде ғана киіледі.
Мұсылман әйелдерге арналған «Салнұр» журналының бас редакторы Гүлнар Адамова біздің сұрақтарымызға жауап беруге қарсылықсыз келісім берді.
- Гүлнар ханым, өзіңіздің журналыңыз туралы, бұл басылымның міндеті туралы айтып берсеңіз.
